Back Vivarium (kloster) Danish Vivarium (Kloster) German Vivarium (monastery) English Vivarium Esperanto Monasterio de Vivarium Spanish Monastère de Vivarium French Vivarium Hungarian Vivarium Italian Vivarium Polish Mosteiro de Vivário Portuguese
Vivarium isch es Chlooschtr z Süditalie im 6. Joorhundert gsi.
Dr oschtgotisch Gleerti und Filosoof Cassiodor het’s öppe ane 554 ggründet. Vorhär isch er Berooter vom König Theoderich em Grosse gsi. Dr Cassiodor isch is Gebiet vo Kalabrie ggange und het im Gebiet vom hüttige Catanzaro s Chlooschter ufbout, wo alerdings scho öppe nach drissg Joor, wo dr Cassiodor gstorben isch, wider ufglöst worden isch.
Vom Chlooschtergründer händ d Mönch d Ufgaab gha, alti Schrifte vo de antiken Autoore zämezträge und drvo Kopie z mache. Eso isch es glunge, i dr unsichere Krisezyt am Ändi vo dr Spootantike s Fachwüsse vo de früenere Joorhunderte und Tegscht vo dr antike Litratur wenigschtens deilwys no ufzbhalte. S Chlooschter Vivarium isch so dr Muschterbetriib für die middelalterliche Chlöschter gsi, wo derno überall in Öiropa d Arbet i de Schrybstube, i de Biblioteeke und de Schuele öppis wäsentlichs vom Mönchsläbe worden isch.